Esta asociación nace no ano 2001 baixo o nome de ATETSGA e muda no ano 2007 para adaptalo a regulamentación actual. Na actualidade, ATESGA, é a asociación de Técnicas e Técnicos de Emerxencias Sanitarias de Galicia e pretende ser a asociación de referencia das e dos profesionais da asistencia sanitaria extrahospitalaria tanto programada como urxente.

Os obxectivos principais da asociación son:

	Promover tódalas actuacións que son propias da profesión de Técnicas e Técnicos de Emerxencias Sanitarias (T.E.S.) a fin de salvagardar a saúde da poboación.
	Promover una formación axeitada dos membros deste colectivo profesional para atender calquera emerxencia sanitaria.
	Promover publicacións, que divulguen a nosa labor, recursos dispoñíbeis, modos de actuación, etc.
	Promover una educación sanitaria na poboación en xeral, sobre os protocolos de actuación básicos en caso de emerxencias sanitarias.
	Servir de órgano consultivo de institucións publicas e privadas, para mellorar o servizo das emerxencias sanitarias.
	Ocio, tempo libre e intercambios con outros profesionais afíns de diferentes países ou comunidades.